डॉ. रवींद्र वेदपाठक
(प्रस्तुत है डॉ रवीन्द्र वेदपाठक जी की एक सामयिक मराठी कविता “महापूर”।)
☆ महापूर ☆
संथ संत कृष्णामाई
झाली भलती अधीर
आली पाहुणा घेवून
नाव त्याचे महापूर……..!! १ !!
व्याकुळला ओला जीव
जणू गायीचा हंबर
सांज बुडता बुडता
कासावीस ते अंबर……..!! २ !!
दंश भिनला देहात
रानी पेटले काहूर
वाहणाऱ्या वेदनेची
हुळहुळे हूरहूर………!! ३ !!
मनस्विनी कृष्णामाई
छेडी दुःखाची लहर
संधिकाळी आक्रोशतो
ऊरी जीवांचा कहर……..!! ४ !!
मानवाच्या काळजात
जागविले देवघर
मनोमनी पालविले
चैतन्याचे औदुंबर………!! ५ !!
© डॉ. रवींद्र वेदपाठक
तळेगाव.
