सुश्री वर्षा बालगोपाल
चित्रकाव्य 
विठू भेट… सुश्री वर्षा बालगोपाल ☆
☆
सगळ्या वीटा गोळा केल्या
उचलूनी त्या डोई घेतल्या
जाहला असेल पदस्पर्श ज्याला
खुणा तयाच्या का पुसोनी गेल्या ||
☆
नाही जमत येणे पंढरपूरी
सल हीच होती माझ्या उरी
तुझ्या भेटीची आस अधूरी
वीट रूपाने होईल पुरी ||
☆
विठुराया नाही खेद उरला
माझ्या भेटीला तू वीट रूपे आला
सेवा कुटुंबा साठी जनता जनार्दनाची
हा पुंडलिक भाव तुला भावला ||
☆
© सुश्री वर्षा बालगोपाल
मो 9923400506
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
