श्री प्रमोद वामन वर्तक
कवितेचा उत्सव
☆ सा ध ना ! 🩷 ☆ श्री प्रमोद वामन वर्तक ☆
☆
करा आसनस्थ होऊनी
ॐकाराची ध्यानधारणा,
आजार जाती पळूनी
म्हणती त्या योग साधना !
☆
राहून गुरुकुलात चेले
करती तपश्चर्या रागांची,
गुरुविण कोण दावी वाट
तयांना गान साधनेची ?
☆
वेचून आपले आयुष्य
देती ज्ञान यज्ञा चेतना,
होऊन गेले ज्ञानमहर्षी
ती होती ज्ञान साधना !
☆
वनात करूनी वसती
देवांची करती आराधना,
ऋषि मुनी शिकवून गेले
जी होती तप साधना !
☆
अखंड करूनी वाचन
सोसून कधी आलोचना,
लेखक, कवी करी लेखन
तीच त्याची शब्द साधना !
तीच त्याची शब्द साधना !
☆
© प्रमोद वामन वर्तक
सध्या सिंगापूर 9892561086
संपर्क – दोस्ती इम्पिरिया, ग्रेशिया A 702, मानपाडा, ठाणे (प.)
मो – 9892561086 ई-मेल – [email protected]
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
