श्री राजकुमार दत्तात्रय कवठेकर
कवितेचा उत्सव
☆ भेट… ☆ श्री राजकुमार कवठेकर ☆
तुझी भेट; आनंदाचे
थुईथुईते कारंजे…
मन चिंब चिंब माझे…
घनगर्द केसांमध्ये
माळता मी सोनचाफा…
जिणे फुलांचा हो वाफा…
तुझ्या संगती; अंतरी
नवी पहाट तेजाळे…
शांत होतात वादळे…
कधी कोवळे तू ऊन
कधी श्रावणाची सर…
फुटे सुखास अंकूर…
परी किती दिवसांत
नाही तुला मी भेटलो…
(नाही मला मी भेटलो…)
© श्री राजकुमार दत्तात्रय कवठेकर
संपर्क : ओंकार अपार्टमेंट, डी बिल्डिंग, शनिवार पेठ, आशा टाकिज जवळ, मिरज
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
