मराठी साहित्य – कवितेचा उत्सव ☆ – फिटेल डाएटचे  ते जाळे… – ☆ सौ. रेखा दयानंद हिरेमठ ☆

सौ. रेखा दयानंद हिरेमठ

कवितेचा उत्सव

☆ – फिटेल डाएटचे  ते जाळे… – ☆ सौ. रेखा दयानंद हिरेमठ ☆

विडंबन (मूळ गाणे -फिटे अंधाराचे जाळे)

फिटे डाएटचे ते जाळे

 झाले मोकळे ते पाश

 खाऊगल्लीतून येई

दाबेलीचा सुवास सुवास

भजी तळून झाली सारी

 रगडा पॅटीस तयार झाला

पाणीपुरी येता प्लेटमध्ये

इच्छा जाग्या झाल्या सा-या

एक अनोखा बटाटा वडा

 असा चविष्ट झकास

चहा पिऊन नवेली

झाली शरीराची पाती

पुरी तळून नव्याने

 सजली कुर्म्याच्या ग प्लेटी

क्षणापूर्वीचे मंचुरियन

त्याची ग्रेव्ही होती खास

झाली आजची कचोरी

 प्यायले होते काल मँगो शेक

दहीवडयाला दहयाचा

  रूपेरी हा अभिषेक

 समोसे रोजचे तरीही

त्याची मोहक आरास

थालीपीठ ते खुसखुशीत

 मिसळ ती झणझणीत

ढोकळा तो जाळीदार

अळुवडी कुरकुरीत

जिलेबी – फाफड्याचा पहा

खंमग दरवळे सुवास

खाऊ गल्ली जवळ दिसता

डाएट  झाले क्षणातच गुप्त

हे सारे चाखायाची

इच्छा होती मनी सुप्त

मारता यावर आडवा हात

जिव्हा-मन झाले तृप्त

🥰दEurek(h)a 😍

🥰दयुरेखा😍

© सौ. रेखा दयानंद हिरेमठ

सांगली

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈