श्री हरिश्चंद्र कोठावदे
कवितेचा उत्सव
☆ स्वाक्षरी… ☆ श्री हरिश्चंद्र कोठावदे ☆
(पादाकुलक)
तुझ्यातले ते झपाटलेले
शमू दे वेड्या सुसाट वादळ
तू आता हो नि:शब्द सळसळ !
घनव्याकुळ ना उरले कोणी
कोणास्तव हे दाटुन येणे
टपटप झरणे प्राण उधळणे ?
अपार होते परंतु मिथ्या
त्या गगनाने दिधले पंख
त्या गगनाचा जन्मा डंख !
कितिदा त्यांनी बळी घेतला
तरी क्रूस हा तुजला प्यारा
तुझ्या जगाचा न्यायच न्यारा !
कुठवर लढशिल रण एकाकी
पत्कर तूही दुनियादारी
आणि तहावर करी स्वाक्षरी !
© श्री हरिश्चंद्र कोठावदे
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
