सुश्री संगीता कुलकर्णी
कवितेचा उत्सव
☆ निःशब्द… ☆ सुश्री संगीता कुलकर्णी ☆
अर्थ नसे ज्या शब्दांना…
उगाचच बोलू लागतात. ..
अनोळखी जिवांना एकमेकांत गुंफू पाहतात…..
बांध सुटून भावना…
शब्दांतून ओसांडून वाहतात…
नाजूक बंध जुळतात. …
स्पंदनांना साथ देत
दिवसामागे दिवस सरतात. …
संपतात शब्द..तुटतो धागा. ..
नातं ही तुटतं क्षणार्धात. ..
होतो त्रास. .
वाटतं वाईट. .
डोळ्यातलं आटतं पाणीही शेवटी. ..
हरवून जातात
शब्द मुके होऊन राहतात
तशाच आठवणी मनाच्या कोपर्यात. ..!!
© सुश्री संगीता कुलकर्णी
लेखिका /कवयित्री
ठाणे
9870451020
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈