मराठी साहित्य – कवितेचा उत्सव ☆ तू असताना… तू नसताना ☆ श्री सुहास रघुनाथ पंडित ☆

श्री सुहास रघुनाथ पंडित

 कवितेचा उत्सव 

☆ तू असताना…तू नसताना ☆ श्री सुहास रघुनाथ पंडित ☆

तू असताना फुले चांदणे

       तू नसताना मन हे दिवाणे

तू असताना पंख मनाला

       तू नसताना दुःख जीवाला

तू असताना स्वप्ने फुलती

       तू नसताना डोळे झुरती

तू असताना तुझेच गायन

       तू नसताना केवळ चिंतन

तू असताना नशा निराळी

       तू नसताना दशा विरागी

तू असताना मी नच उरतो

      तू नसताना कधीच सरतो.

© सुहास रघुनाथ पंडित 

सांगली (महाराष्ट्र)

मो – 9421225491

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈