श्री प्रमोद वामन वर्तक
कवितेचा उत्सव
💃 मी आणि माझी ती ! 🖊️ श्री प्रमोद वामन वर्तक
शल्य मनाचे तिजवीण
जाणले कधी ना कोणी,
असे मज प्राणाहून प्रिय
माझीच बघा लेखणी !
जे जे उतरे तिच्यातून
असे माझ्या मनीचे गूज,
भावले न जरी ते कोणा
देई समाधानाची गाज !
भले बुरे कळता मत
तिचे मन सुखावते,
नाही कळलेच काही
ती दुःखी कष्टी होते !
कानी लागून ती मग
मी संप करीन म्हणते,
हवी कशास ही उठाठेव
मज उगाच धमकावते !
होतो बापुडा शरणागत
समजूत तिची काढतो,
सुचता मग नवीन विषय
पुन्हा हाती तिज धरतो !
© श्री प्रमोद वामन वर्तक
दोस्ती इम्पिरिया, ग्रेशिया A 702, मानपाडा, ठाणे (प.)
मो – 9892561086
ई-मेल – [email protected]
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈