मराठी साहित्य – कवितेचा उत्सव ☆ फार मस्त वाटतंय… ☆ कविता महाजन ☆

कवितेचा उत्सव

फार मस्त वाटतंय

थांबवताच येत नाहीय हासू

इतकं कोसळतय….इतकं..

नाचावसही वाटतंय

उडावसही

तू का असा,काही सुचत

नसल्यासारखा

पाहतो आहेस नुसता गप्प

खांबासारखा ताठ उभा राहून

काय झालय असं संकोचल्यासारख ?

खर तर तूही एकदा

पसरून बघ असे हात

घेऊन बघ गर्रकन गिरकी

 एका पायावर

विस्कटू दे केस थोडे विसकटले तर

बघ तर

तुझ्याही आत दडलं असेल

हसणं नाचणं उडणं

तुझ्या नकळत

 – कविता महाजन

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈