श्रीमती अनुराधा फाटक
कवितेचा उत्सव
☆ बहिणाबाई चौधरी ☆ श्रीमती अनुराधा फाटक ☆
बहिणाबाई चौधरी
(११ ऑगस्ट, इ.स. १८८० – ३ डिसेंबर, इ.स. १९५१)
बहिणा तुझ्या नजरेने
टिपले अवघे सजीव
बांधून त्याना शब्दात
दिलेस अमरत्व !
ताकद पक्षी चंचूची
समजली तुला कशी गे
मानवाची दहा बोटे
वाटली तुला फिकी गे !
चुलीवरचा तवा देतो
जरी चटके हाताला
तोच तवा गरम भाकरी
खाऊ घालतो आम्हाला !
नित्य साध्या गोष्टीतून
दिलेस तू आम्हा ज्ञान
त्यामुळेच असून निरक्षर
ठरलीस खरी साक्षर !
गिरवावा तुझा धडा
पुस्तकाच्या शिक्षणाने
असे तुझे तत्वज्ञान
मिरवावे अभिमाने !
© श्रीमती अनुराधा फाटक
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈