मराठी साहित्य – कवितेचा उत्सव ☆ सुजित साहित्य #113 – तुला पाहिले…! ☆ श्री सुजित कदम ☆

श्री सुजित कदम

 कवितेचा उत्सव 

☆ सुजित साहित्य # 113 – तुला पाहिले…! ☆

तुला पाहिले अन् काळजात गलका झाला

हसताच गाली जीव हलका हलका झाला .

रांगेत उभा केव्हाचा, प्रेमात मी झुरणारा

डोळ्याला भिडता डोळा, स्वप्नांचा जलसा झाला.

रंगांची असते भाषा, माहित नव्हते काही

गालावर येता लाली, गुलाब कळता झाला.

हातात हात प्रेमाचा, नजरेची झाली भाषा

प्रेमाचा रंग नशीला, ह्रदयी वळता झाला.

झाले रूसवे फुगवे, मन मनांचे झाले

विश्वास सोबती येता,प्रवास सरता झाला.

© सुजित कदम

संपर्क – 117, विठ्ठलवाडी जकात नाका, सिंहगढ़   रोड,पुणे 30

मो. 7276282626

≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈