श्रीमती रंजना मधुकरराव लसणे
कवितेचा उत्सव
☆ रंजना जी यांचे साहित्य # 96 – गरवा ☆
बहरला निसर्ग हा मंद धुंद ही हवा।
तना मनास झोंबतो आसमतं गारवा। ।धृ।।
वृक्ष वल्ली उधळती गंध हा दश दिशा।
तारकाच उतरल्या शोभिवंत.. ही नीशा।
चंद्र जाणतो कला मनात प्रीत मारवा ।।१।।
स्वप्न रंगी हा असा मन मयूर नाचला ।
ह्रदय तार छेडताच प्रेमभाव जागला
धुंद मधुर नर्तना ताल पाहिजे नवा ।।२।।
तेज नभी दाटता तने मनात नाचली ।
कधी कशी कळेना भ्रमर मुक्ती जाहली ।
रुंजी घालतो मना भ्रमर हा हवा हवा ।।३।।
वेचते अखंड मी मुग्ध धुंद क्षणफुलां।
क्षणोक्षणी सांधल्या अतूट रम्य शृंखला।
अर्पिली अशी मने सौख्य लाभले जीवा ।।४।।
© रंजना मधुकर लसणे
आखाडा बाळापूर, जिल्हा हिंगोली
9960128105
≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
