श्रीमती उज्ज्वला केळकर
वाचताना वेचलेले
☆ अप्रूप पाखरे – २८– रवींद्रनाथ टैगोर ☆ प्रस्तुति – श्रीमती उज्ज्वला केळकर ☆
[१२९]
संपूर्ण
काळोखात असलेलं
अश्राप मूल आहे मी
अंधकाराच्या
या गर्द विळख्यातून
माझे हात पसरतोय मी
लांब करतोय
आई तुझ्यासाठी
[१३०]
सत्तेनं एकदा
मांडलं प्रदर्शन
आपण केलेल्या
उर्मट अनर्थांचं
तेव्हा
खदखदा हसली
गळून पडणारी
पिवळी पानं
आणि संथ सरकणारे
गर्द मेघ —–
[१३१]
फूल अन् फूल
गोळा करून
जपून ठेवण्यासाठी
नको असा रेंगाळूस
चालत रहा सतत
कारण
उमलतच रहातील फुलं
आपोआप
तुझ्या वाटेवर
[१३२]
घरामधून… अंगणामधून
कामे आवरत
लवलवणारी ही गृहिणी
चुणचुणित… चपळ…
हिच्या अंगोपांगातून
झुळझुळते गाणे
चिमुकल्या झर्याचे
टेकडीवरच्या खडयाखड्यांमधून
खळखळत येणार्या
मूळ रचना – स्व. रविंद्रनाथ टैगोर
मराठी अनुवाद – रेणू देशपांडे (माधुरी द्रवीड)
प्रस्तुति – श्रीमती उज्ज्वला केळकर
176/2 ‘गायत्री’, प्लॉट नं 12, वसंत साखर कामगार भवन जवळ, सांगली 416416 मो.- 9403310170
≈संपादक–श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे ≈
