मराठी साहित्य – कवितेचा उत्सव ☆ झटकून टाक जीवा.. ☆ महाकवी ग.दि. माडगूळकर ☆

स्व गजानन दिगंबर माडगूळकर ‘गदिमा’

जन्म – 1 ओक्टोबर 1919  मृत्यु – 14 डिसेंबर 1977 ☆

☆ कवितेचा उत्सव ☆ झटकून टाक जीवा.. ☆ महाकवी ग.दि. माडगूळकर ☆  

झटकून टाक जीवा दुबळेपणा मनाचा

फुलला पहा सभोवती आनंद जीवनाचा

होईल ताप काही मध्यान्हिच्या उन्हाचा

अविचार सोड असल्या कोल्हाळ कल्पनांचा

आस्वाद घे सुखाने येत्या नव्या क्षणांचा

पुष्पास वाटते का भय ऊन पावसाचे

आयुष्य त्यास आहे एकाच ना दिसाचे

हसुनी करी परि ते वर्षाव सौरभाचा

का कालचा उद्याला देसी उगा हवाला

द्यावाच वाटतो ना मग जीव दे जीवाला

अव्हेर काय करिसी अनमोल या तनाचा

झटकून टाक जीवा दुबळेपणा मनाचा…

गीतकार- महाकवी ग.दि. माडगूळकर

चित्र : साभार Gajanan Digambar Madgulkar – Wikipedia