श्री प्रमोद वामन वर्तक
कवितेचा उत्सव
जरी वाजले सूप…. श्री प्रमोद वामन वर्तक
आली आली म्हणता
येवून सरली दिवाळी,
ठेवा उचलून डब्यात
सारी शिल्लक रांगोळी !
चिवडा चकली शेवेचा
जर उरला असेल चुरा,
कधी करूनी मिसळ
त्याच्यात मग वापरा !
ताट लक्ष्मी पूजनाचे
नीट ठेवा सांभाळून,
पुढच्या वर्षी दुप्पट
भर घालायची ठरवून !
धुरात फटाक्याच्या
पुन्हा पैसे नका टाकू,
गरजुंना दान द्यायचे
आताच ठरवून टाकू !
जरी संपला दीपोत्सव
दीप स्वप्नांचे तेवत ठेवा,
करुनी साध्य स्वप्नपूर्ती
मान दुनियेत उंचवा !
© श्री प्रमोद वामन वर्तक
(सिंगापूर) +6594708959
मो – 9892561086
ई-मेल – [email protected]
≈संपादक–श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे ≈
