मराठी साहित्य – कवितेचा उत्सव ☆ जीवन ☆ सौ. योगिता काळे

 कवितेचा उत्सव 

☆ जीवन ☆ सौ. योगिता काळे ☆ 

(वृत्त – सरल)

जगणे अवघड कळले

मरणे अवघड कळले

प्रेमासाठी अपुल्या

हरणे अवघड कळले

न्यायासाठी जगती

लढणे अवघड कळले

आई बाबा दुसरे

मिळणे अवघड कळले

कोणी नाही अपुले

पचणे अवघड कळले

काटे असता भवती

फुलणे अवघड कळले

बाई… बनुनी पणती

जळणे अवघड कळले

दुःखामध्ये सहसा

हसणे अवघड कळले

जीवन चंदन बनता

झिजणे अवघड कळले

© सौ. योगिता काळे

सांगली

≈ संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे ≈