श्री प्रमोद वामन वर्तक
कवितेचा उत्सव
😔 शा प! 😞 ☆ श्री प्रमोद वामन वर्तक
चपल माझे मन मोठे
सदा धावे सुखा पाठी,
जरी पोहले तृप्त सागरी
तरी बसे कोरडे काठी!
*
नाही समाधान अंतरात
कमी वाटे काही सुखात,
खुपे दुसऱ्याचे डोळ्यात
सदा दुःखी कष्टी मनांत!
*
करता पाठलाग सुखाचा
जीवा लागला भारी घोर,
हाती आले वाटता वाटता
उंच उडे डोळ्या समोर!
*
थकलो धावता सुखामागे
लागली मरणाची धाप,
उशीर झाला मज कळण्या
त्याला मृगजळाचा शाप!
त्याला मृगजळाचा शाप!
☆
© श्री प्रमोद वामन वर्तक
संपर्क – दोस्ती इम्पिरिया, ग्रेशिया A 702, मानपाडा, ठाणे (प.) – 400610
मो – 9892561086 ई-मेल – pradnyavartak3@gmail.com
≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
