श्री अशोक श्रीपाद भांबुरे
अशोक भांबुरे जी यांची कविता अभिव्यक्ती # 288
☆ बिदाईच्या वेळेला… ☆ श्री अशोक श्रीपाद भांबुरे ☆
☆
लग्न होताच
ती माहेर सोडून
सासराला निघते
जाताना
आई, बाप, भाऊ, बहीण, मुलगी
सारेच रडतात बिदाईच्या वेळेला
सून सासरला येते
चार दिवस कौतुकाचे जातात
नंतर
भांड्याला भांडं लागतं
ऐकून घ्यायची सवय नसलेल्या सूनेला
ह्या आवाजाचा त्रास होतो
ती सासर सोडण्याचा निर्माण घेते
सोबत नवराही निघतो
आई बाप रडले
पण
मुलगा आणि सुनेच्या डोळ्यात
पाण्याचा टिपूसही नव्हता…
☆
© श्री अशोक श्रीपाद भांबुरे
धनकवडी, पुणे ४११ ०४३.
मो. ८१८००४२५०६, ९८२२८८२०२८
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
