सौ. प्रतिभा संतोष पोरे
कवितेचा उत्सव
☆ होळी ☆ सौ. प्रतिभा संतोष पोरे ☆
✒️
फाल्गुन पौर्णिमेसी
सण येई होळी
लाकडांसमवेत
विकारही जाळी ।१।
*
होलिका राक्षसी
घेई प्रल्हाद संगती
जीवे मारण्या त्यासी
जाळ करी भोवती ।२।
*
करी नामस्मरण
प्रल्हाद भक्तीभावे
वाचवण्यास वत्सा
नारायण वेगी धावे।३।
*
शिव उघडी त्रिनेत्र
कामदेव होई दहन
होण्या रिपूंचे हनन
होळीचे करा ज्वलन।४।
*
एरंडासी लाभे मान
शोभे मध्ये स्थान
करूनिया पूजन
पोळी करू अर्पण।५।
*
आळस, रोग ,दुःख
आसक्ती, मत्सर, द्वेष
समर्पिता ज्वाळेत
शुद्ध चित्त उरे शेष ।६।
शब्दसखी प्रतिभा
✒️
© सौ. प्रतिभा पोरे
पत्ता – ‘सोनतुकाई’, शांतीसागर कॉलनी, सांगली – भ्रमणध्वनी क्रमांक – ८७८८४५८६२४
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
