सुश्री प्रणिता प्रशांत खंडकर
कवितेचा उत्सव
☆ नवीन हे वर्ष सुखाचे जावो!… ☆ सुश्री प्रणिता खंडकर ☆
☆
वर्ष नवे घेऊन येवो,मनीमानसी हर्ष,
दुःख, काळजी, चिंता, सारी राहावी अस्पर्श!
जरी हरवले अमूल्य काही, विसरू या ते सर्व,
हाती गवसले जे जे काही, मानू त्याचा हर्ष!
☆
रूसवे-फुगवे, हेवेदावे, चला फुंकुनी टाकू,
उरले-सुरले जीवन कितीसे? आनंदाने जगू!
पैसा-अडका भोग-साधने, स्पर्धा- ईर्षा विसरू,
माणुसकीचे, आनंदाचे, बीज मनी या पेरू!
☆
स्वागत करूया नववर्षाचे, संकल्प करू उत्कर्षाचे,
एकजुटीने, सहकार्याने, आव्हान पेलू लक्ष्य पूर्तीचे!
असो वर्ष इंग्रजी /मराठी, किंतु मनी ना आणू,
चला मंडळी आयुष्याचे, गीत सुरीले गाऊ!
☆
© सुश्री प्रणिता खंडकर
संपर्क – सध्या वास्तव्य… डोंबिवली, जि. ठाणे.
ईमेल [email protected] केवळ वाॅटसप संपर्क.. 98334 79845.
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
