सुश्री वर्षा बालगोपाल
कवितेचा उत्सव
☆ नर्तकी… ☆ सुश्री वर्षा बालगोपाल ☆
☆
कोण नर्तकी गिरक्या घेत
फिरत राहते युगानुयुगे
तिच्या वरती लुब्ध होऊनी
कितीक लागले तिच्या मागे॥
☆
भान नाही तिजला स्वत:चे
दिनरात्र फिरणे थांबत नाही
ती पण नाचते प्रियकरासाठी
त्याला तिची परी पर्वा नाही॥
☆
प्रियकर तिचा अष्टौप्रहर
काम करितो दुसर्यांसाठी
याच गुणामुळे ना रूष्टते ती
पण सदा असते त्याच्या पाठी ॥
☆
त्या नृत्यावर सृष्टी फिदा
तिच्या अंकावरीच नांदे
पृथ्वीच्या या नवख्या नृत्यात
चराचर सारे रंगे
☆
© सुश्री वर्षा बालगोपाल
मो 9923400506
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
