श्री रवींद्र सोनावणी
कवितेचा उत्सव
☆ स्वप्न… ☆ श्री रवींद्र सोनावणी ☆
पुन्हा एकदा भरास यावी
आषाढाची मस्ती
कडाडकडकड वीज चमकता
उडून जावी सूस्ती
हलवून गदगदा डोंगरमाथे
पाणलोट उसळावे
कवेत वनराईस वाऱ्याने
पुन्हापुन्हा घुसळावे
मेघांचा सोपान उतरुनी
हळूच श्रावणाने यावे
तारुण्याचे इंद्रधनू मग
सर्वांगात फुलावे
सखे साजणी तुझ्या स्मृतींना
हळूच मी बिलगावे
फुले होऊनी प्राजक्ताची
तू मजवर बरसावे
नृत्य थांबले मनमोरांचे
फुटले स्वप्न बिलोरी
चूर तयाचा अजून मात्र मी
वेचीतो वेड्यापरी
© श्री रवींद्र सोनावणी
निवास : G03, भूमिक दर्शन, गणेश मंदिर रोड, उमिया काॅम्पलेक्स, टिटवाळा पूर्व – ४२१६०५
मो. क्र.८८५०४६२९९३
≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈