श्री आशिष मुळे
कवितेचा उत्सव
☆ “रान …” ☆ श्री आशिष मुळे ☆
राखून राखून थकशील हे रान
वाकून अन वाकवून
जाईल जळून हिरवे पान
राखून राखून थकशील हे रान
अजुन किती निभवशील
कधी-काळीची आन
राखून राखून थकशील हे रान
मारून अन् मरुन
खरंच मिळते का जान?
राखून राखून थकशील हे रान
वाटे सोडून सगळे
नुसते बागडावे छान
राखून राखून थकशील हे रान
कोण रंक अन राव
राखेतच आहे विस्तवाचा मान
राखून राखून थकशील हे रान….
© श्री आशिष मुळे
(टीप: रान ही जुनाट प्रथा, परंपरा, भाकड कथा, अंधश्रद्धा यांचं जे रान माजलं आहे त्याला उद्देशून वापरलेली उपमा आहे)
≈संपादक – श्री हेमन्त बावनकर/सम्पादक मंडळ (मराठी) – सौ.उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈