सौ.वनिता संभाजी जांगळे
कवितेचा उत्सव
☆ बदलता काळ… ☆ सौ. वनिता संभाजी जांगळे ☆
वारा तुफान वाहतो
रान भयभीत झाले
पुरातन मंदिराचे
ढळू लागे मनोरे
पारावरचा गोंगाट
सुनसान मावळला
वेड्या पाखरांचा थवा
लागीर पिंपळाला
भल्या मोठ्या वृक्षाची
झाली उपडी कमान
कालचिच ही पोरटी
वाढू लागती जोमानं
शहाण्याचं गेलं शहाणपण
गाठलं वेलींनी गगन
तोंडी बोळा दाबून
घुटकी घेतं म्हातारपण
© सौ.वनिता संभाजी जांगळे
जांभुळवाडी-पेठ
≈संपादक – श्री हेमन्त बावनकर/सम्पादक मंडळ (मराठी) – सौ.उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈