सौ. नेहा लिंबकर
कवितेचा उत्सव
☆ नारी… ☆ सौ. नेहा लिंबकर ☆
आधीची ती नारी होती मराठमोळी
नेसून नऊवारी आणि हाती भाकरी पोळी
शेती असो वा रानमाळी
उपसत होत्या घर जमीन काळी
थकायची नाही कष्टाला कधीही काळीवेळी
वडीलधारी सर्वांच्या धाकात होत्या पोरीबाळी
हसत खेळत उचलत होत्या कष्टाचीच मोळी
शिक्षणाच्या आसेने झाल्या सावित्रीच्या लेकी बाळी
पुढारलेल्या म्हणवुन घेऊ लागल्या सर्वां डोळी
झेप घेतली गरुडाच्या पंखांनी निळ्या आभाळी
उत्तुंग यश ते मिळवले जळी स्थळी
नाही कुठला प्रांत नाही कुठली प्रवाळी
प्रत्येक क्षेत्रात पुढाकार अन विजयाची घौडदौड निराळी
हीच ती नारी पेलणारी नात्यांची नव्हाळी
मिळून सार्या जणी करूया साजरी ही प्रगतीची झळाळी
© सौ. नेहा लिंबकर
पुणे
मो – 9422305178
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈