श्रीमती उज्ज्वला केळकर
कवितेचा उत्सव
☆ साद… ☆ श्रीमती उज्ज्वला केळकर ☆
आम्ही सेक्युलॅरिझमच्या
घोषणा देत होतो
तेव्हा, त्यांनी
शस्त्रास्त्रे जुळवली.
आम्ही शांततेचा माहोल
निर्माण करत होतो
तेव्हा यांनी जिहाद पुकारला.
आम्ही धाडले
निषेधाचे खलिते
त्यांच्याकडे.
त्यांनी खलित्यांचेच
बोळे पेटवून
आमच्याच घरात टाकले.
आता अनिकेत झाल्यावर तरी
जागू द्या आत्मभान
अभ्युत्थानार्थ संभावणारा युगपुरूष
आपल्याच आत्मगर्भात
वाट पाहत आसेल
आपल्या आर्त कळांची
© श्रीमती उज्ज्वला केळकर
संपर्क -17 16/2 ‘गायत्री’ प्लॉट नं. 12, वसंत दादा साखर कामगारभावन के पास , सांगली 416416 महाराष्ट्र
मो. 9403310170, email-id – [email protected]
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈