सौ. दीपा नारायण पुजारी
चित्रकाव्य
– तू तर आनंदाची लकेर – ☆ सौ. दीपा नारायण पुजारी ☆
☆
माथी नाही छप्पर
नाही विसावा नाही घर
खळखळते हास्य तुझे
मजसाठी तू आनंदाची लकेर । १ ।
☆
सपसप चालती कर
झपझप चालती पाय
निर्झरासम गुंजन तुझे
मजसाठी तू आनंदाची लकेर । २ ।
☆
माथ्यावरी कष्टाची पाटी
वणवण भाळी पोटासाठी
डोळे तुझे जणू भ्रमर
मजसाठी तू आनंदाची लकेर । ३ ।
☆
नाही गिरवले मी अक्षर
तरी असेन तुजसाठी तत्पर
करेन तुज मी साक्षर
मजसाठी तू आनंदाची लकेर । ४ ।
चित्र साभार –सौ. दीपा नारायण पुजारी
© सौ. दीपा नारायण पुजारी
इचलकरंजी, फोन.नं. ९६६५६६९१४८
दिनांक – १३/१२/२०२२।
≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
