मराठी साहित्य – चित्रकाव्य ☆ – दमदार साथ… ☆ श्री आशिष बिवलकर ☆

श्री आशिष  बिवलकर

  चित्रकाव्य  

दमदार साथ…  श्री आशिष  बिवलकर ☆

☆

७) चित्रकाव्य — 

 “ दमदार साथ “ कवी : आशिष बिवलकर 

चित्रकाव्य : “ दमदार साथ…. “ 

दमदार अशीच साथ लागते,

सहजीवन सोबत काढतांना |

थकत नाही तिची पाऊलं,

संसाराचा गाडा ओढतांना |

संसाराच्या तव्यावर,

पहिले चटके, मग भाकर |

कष्ट उपासल्याशिवाय,

जीवन नसते ते सुकर |

देह जरी वाकला,

तरी सोसत असते कळ |

गात्र जरी थकली,

तरी तीच देत राहते बळ |

काडी काडी जमवत,

पक्षीण घरटे बांधते |

सूत ज्याच्याशी जुळले,

त्याच्या संगे सुखे नांदते |

ऊन वारा पाऊस सोसत,

संसाराची घडी बसवते |

लाज कशाची न बाळगता,

त्याच्या संगे कष्ट उपसते |

जन्माजन्माची गाठ बांधत,

भाळी कुंकू अभिमानाने मिरविते |

साधीभोळी जरी असली तरी,

संसाराचा गाडा त्याच्या संगे खेचते|

☆

© श्री आशिष  बिवलकर

बदलापूर

मो 9518942105

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈