श्री तुकाराम दादा पाटील
कवितेचा उत्सव
☆ तू… ☆ प्रा तुकाराम दादा पाटील ☆
☆
तू श्वास, तू ध्यास, तू हव्यास
जन्मजन्मांतरीचा
तू ध्येय, तू श्रेय, तू प्रमेय
जन्मभर न सुटणारे
तू वलय, तू प्रलय, तू मलय
आयुष्याच्या वास्तवाचा
तू हात, तू साथ, तू प्रपात
कर्तृत्वाच्या वाटेवरचा
तू कामना, तू वासना तू साधना
संभ्रमात टाकणारी
तू हीत, तू प्रीत, तू गीत
जीवन प्रवासातले
तू कर्म, तू धर्म, तू मर्म
जगताना पाळलेले
तू आशा, तू मनिषा, तू प्रतिक्षा
अंतीम प्रवासाची
तू आवेश, तू आदेश, तू संदेश
तेजोवलय निर्मितीचा
☆
© प्रा. तुकाराम दादा पाटील
मुळचा पत्ता – मु.पो. भोसे ता.मिरज जि.सांगली
सध्या राॅयल रोहाना, जुना जकातनाका वाल्हेकरवाडी रोड चिंचवड पुणे ३३
दुरध्वनी – ९०७५६३४८२४, ९८२२०१८५२६
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
