मराठी साहित्य – कवितेचा उत्सव ☆ प्रेम कोणीही करेना ☆ माधव जूलियन

डॉ. माधव त्रिंबक पटवर्धनऊर्फ माधव जूलियन

(जन्म : बडोदा, २१ जानेवारी १८९४; – २९ नोव्हेंबर १९३९)

  कवितेचा उत्सव  

☆ प्रेम कोणीही करेना ☆

प्रेम कोणीही करेना, का अशी फिर्याद खोटी?

प्रेम दे अन्यास आधी, ठेविशी का स्वार्थ पोटी?

आपुल्या या चारूतेशी विस्मरूनी जा सुकेशी

भाळता कोणास देशी का न भक्तीची कसोटी?

प्रेम का संगीन गुच्छी, प्रेम का रंगीन ओठी

प्रेम लाभे प्रेमळाला, त्याग ही त्याची कसोटी.

 – माधव ज्युलियन

≈संपादक–श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे ≈