सुश्री नीलांबरी शिर्के
कवितेचा उत्सव
☆ सद् भाव… ☆ सुश्री नीलांबरी शिर्के ☆
☆
तुमचा देव
आमचा देव
अस काही
नसत राव
देव मानतो
त्याच्या मनी
सदाच असतो
सद्भाव
कोणी राम राम
कोणी म्हणे राधे श्याम
कोणी म्हणत नारायण
कोणा मुखी भोलेराम
जय गुरूदेव म्हणूनी
त्री देवांना भजती कोणी
व्यंकटेशा म्हणत म्हणत
लोटांगण कुणी घालती
नाव वेगवेगळाली पण
मनात एकच भक्तिभाव
विठ्ठल म्हणा पांडुरंग म्हणा
वसतो तेथे एकच भाव
🌹
© सुश्री नीलांबरी शिर्के
≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
