श्री तुकाराम दादा पाटील
कवितेचा उत्सव
☆ नाटक… ☆ प्रा तुकाराम दादा पाटील ☆
☆
दैवा वरती जगणाराना किंमत नसते
कर्म करावे तेव्हा कोठे जीवन फुलते
*
प्रेमा साठी जमतो तितका त्याग करावा
त्यागाने तर जग जिंकाया हिंमत मिळते
*
जनन मरण हा खेळ धरेवर अविरत चाले
काळा संगे धावत फिरणे गंमत असते
*
माती मधला अंकुर साधा वाढत जातो
संघर्षाचे जगणे त्याला सावध करते
*
माझ्या असली प्रेमाला मी विनवत बसतो
दोघांच्या मग भेटीनंतर अंतर मिटते
*
मी जगण्याचे असली नकली नाटक करतो
मी सजल्यावर रंगपटावर जीवन खुलते
*
चिंता मिटता मन हळवे मग खुलते फुलते
माझ्या सोबत गोडगुलाबी जगणे हसते
*
देव दयेने येथे सगळे तुमचे आहे
जाताना पण सोबत काही नेणे नसते
☆
© प्रा. तुकाराम दादा पाटील
मुळचा पत्ता – मु.पो. भोसे ता.मिरज जि.सांगली
सध्या राॅयल रोहाना, जुना जकातनाका वाल्हेकरवाडी रोड चिंचवड पुणे ३३
दुरध्वनी – ९०७५६३४८२४, ९८२२०१८५२६
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
