श्री तुकाराम दादा पाटील
कवितेचा उत्सव
☆ वास्तव… ☆ प्रा तुकाराम दादा पाटील ☆
पाठीवर हात ठेवून
लढ बाप्पा म्हणणारा
कुठे गुंतलाय
तेच काही
कळत नाही
निखळ ज्ञान देऊन
घडवणारा
आश्वासक गुरु
काही केल्या
मिळत नाही
काय करावे तरुणांनी
कुठे शोधावेत आदर्श
मार्गदर्शक
काही केल्या
त्याना सुचत नाही
संधी साधू समाजात
बोकाळलेला स्वार्थ
कुठपर्यंत मुरलाय
याचा येत नाही
अंदाज
आपल्याकडे पहायचं सोडून
जो तो पाहतोय
फक्त दुसऱ्याकड
दोष आपल्यातले
लादतोय दुसऱ्यावर
आणि म्हणतोय
चाललंय तसं चालू द्या
आपल्या हातात काय आहे?
मी सोडून सगळेच
वाया गेलेत
हेच आहे आजच वास्तव
© प्रा. तुकाराम दादा पाटील
मुळचा पत्ता – मु.पो. भोसे ता.मिरज जि.सांगली
सध्या राॅयल रोहाना, जुना जकातनाका वाल्हेकरवाडी रोड चिंचवड पुणे ३३
दुरध्वनी – ९०७५६३४८२४, ९८२२०१८५२६
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
