श्रीशैल चौगुले
कवितेचा उत्सव
☆ प्रणय प्रतिक्षा… ☆ श्रीशैल चौगुले ☆
प्रणयास साजणा कधी येशील
अजून वाट तुझी मी पहाते रे
आठवणीत झुरतो जीव कसा
अजून मन ऊन्हात नहाते रे.
त्याच पाऊलखुणा रेतीत जुन्या
पुसल्या किनारी ऊभी रहाते रे
बघ सांज ऊतरुन रात्र झाली
चांदण्यात हा गारवा सहाते रे.
क्षण-क्षण क्षितीज भाव हृदयी
कधी अश्रूंना गीत मी वहाते रे
श्रावण-वसंत भान न ऊरले
अंतीम सुखाचे स्वप्न पहाते रे.
© श्रीशैल चौगुले
९६७३०१२०९०
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
