मराठी साहित्य – कवितेचा उत्सव ☆ वि नं ती ! ☆ श्री प्रमोद वामन वर्तक ☆

श्री प्रमोद वामन वर्तक

 कवितेचा उत्सव  

🙏 वि नं ती !  श्री प्रमोद वामन वर्तक  

आठवांच्या हिंदोळ्यावर

आज घ्या झोके सावकाश,

परवा पासून खुणावेल

ते-वीसचे नवे अवकाश !

पूर्ण करण्या नवे संकल्प

कंबर तुम्ही आपली कसा,

समाधान वाटेल मनाला

पूर्ण केलात जर तो वसा !

अडल्या नडल्या लोकांना

करा मदत यथाशक्ती,

सोबत जागवा आपल्या

देशाप्रती तुम्ही भक्ती !

ठेवा आठव जवानांचा

घेता मुखी रोज घास,

मातृभूमीचे रक्षण करणे

ज्यांच्या मनी एकच ध्यास !

चुकले माकले गतसाली

जा सारे तुम्ही विसरूनी,

नव वर्षाचे नवे संकल्प

ठेवा मनात घट्ट धरूनी !

🌹 नवीन वर्षाच्या शुभेच्छा !🌹

© प्रमोद वामन वर्तक

दोस्ती इम्पिरिया, ग्रेशिया A 702, मानपाडा, ठाणे (प.)

मो – 9892561086

ई-मेल – [email protected]

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈