सुश्री नीलांबरी शिर्के
चित्रकाव्य
– झाडाची पाहुणी… – ☆ सुश्री नीलांबरी शिर्के ☆
☆
भवती सारे पाणी पाणी
हाकेवरती नाही कोणी
जीव वाचवण्यासाठी
झाली झाडाची पाहुणी ……
☆
झाडाने तिज जवळ घेतले
फांद्यांनी तोलून धरले
फांद्यांना घट्ट पकडूनी
देहाला सावरून घेतले ……
☆
ओठी पोटी काही नसेना
जीव वाचला खूप जाहले
दारासमोर झाड वाढवले
संकटसमयी त्यानेच तारले ,,….
☆
© सुश्री नीलांबरी शिर्के
मो 8149144177
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
