सौ. ज्योती कुळकर्णी
कवितेचा उत्सव
☆ परडीतल्या फुला… ☆ सौ. ज्योती कुळकर्णी ☆
(प्रमद्वरा=गागाल गालगा गागाल गालगा)
☆
परडीतल्या फुला तू गंध सांडला
आनंद वाटला परमार्थ साधला
*
बोलून चालले मजला भले बुरे
मी मात्र शोधला सद्भाव त्यातला
*
पदवीधरास मी विद्वान का म्हणू?
मग्रूर वागण्याने अज्ञ भासला
*
जगण्यास कावला अन् जीव ही दिला
लोकांस कारणे चर्चा करायला
*
चोरांस सोडले मुद्दाम मोकळे
निर्दोष भेटला बदल्यात डांबला
☆
© सौ. ज्योती कुळकर्णी
अकोला
मोबा. नं. ९८२२१०९६२४
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
