श्री तुकाराम दादा पाटील
कवितेचा उत्सव
☆ संसार… ☆ प्रा तुकाराम दादा पाटील ☆
☆
मंदिरांना जंगलांचा लाभला आधार होता
वादळाने आज तेथे घुमवला ओंकार होता
☆
सूर्यतेजाने नव्याने वाटले चैतन्य होते
जागृती आल्या धरेने सोडला हुंकार होता
☆
काळजीची रात्र होती भोवताली दाटलेली
तेज ल्यालेल्या प्रभेने संपला अंधार होता
☆
पांखराना जाग आली निर्झराच्या बोलण्याने
कोकिळीने सुस्वरांचा छेडला झंकार होता
☆
दूर कोठे वाजणारा नाद घंटांचाच होता
जाहला दाही दिशांना मोद अपरंपार होता
☆
संकटे सारून मागे सौख्य थोडे भोगण्याला
ध्येयवादी माणसांनी सजवला संसार होता
☆
© प्रा. तुकाराम दादा पाटील
मुळचा पत्ता – मु.पो. भोसे ता.मिरज जि.सांगली
सध्या राॅयल रोहाना, जुना जकातनाका वाल्हेकरवाडी रोड चिंचवड पुणे ३३
दुरध्वनी – ९०७५६३४८२४, ९८२२०१८५२६
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
