सूचना/Information
(साहित्यिक एवं सांस्कृतिक समाचार)
सौ अंजली दिलीप गोखले
💐 अ भि नं द न 💐
आपल्या समूहातील लेखिका सुश्री अंजली गोखले यांनी ‘ विज्ञान ‘ विषयावर आयोजित केलेल्या एका कथा स्पर्धेत भाग घेतलेला होता आणि डॉ. जयंत नारळीकर यांनी त्यांच्या कथेची दखल घेतल्याबद्दलचे स्वतः लिहिलेले पत्र त्यांच्या स्वाक्षरीसह अंजलीताईंना पाठवले होते. तेच हे पत्र…
या गोष्टीला आता जरी काही वर्षे उलटून गेली असली तरी पद्मविभूषण डॉ. नारळीकर यांचे हस्ताक्षर आणि स्वाक्षरी हा फक्त अंजलीताईंसाठीच नाही तर प्रत्येक भारतीयासाठी आता एक अनमोल ठेवा असणार आहे, यात दुमत असणार नाही असे खात्रीने म्हणावेसे वाटते. म्हणूनच अंजलीताईंना त्या स्पर्धेत प्रथम क्रमांक मिळालेली ही कथा आजच्या जीवनरंग सदरात प्रकाशित करत असतांना हे पत्रही आवर्जून प्रकाशित केले आहे. डॉ. नारळीकर यांना आपल्या सर्वांतर्फे पुन:श्च भावपूर्ण आदरांजली आणि अंजलीताईंचे मनःपूर्वक अभिनंदन.
संपादक मंडळ
ई अभिव्यक्ती मराठी
≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
