श्रीमति उर्मिला उद्धवराव इंगळे

 

☆ साप्ताहिक स्तम्भ – केल्याने होत आहे रे ☆

??? स्वदेशी ???

हस्तांदोलन करणे

विषाणूला पाचारणे

मुखामुखी करुनिया

नका देऊ आवतणे !!१!!

 

सोडूनिया स्वदेशासी

कां हो जाता परदेशी

जननी जन्मभूमीश्च

स्वर्गादपि गरीयसि !!२!!

 

स्वधर्म आणि स्वदेश

न त्यजावा कदापिही

काय उणे स्वदेशात

कां फिरतां दिशा दाही !!३!!

 

उच्च आपुली संस्कृती

उच्च आचार विचार

एकवटूनि रहावे

करु नका अविचार !!४!!

 

मोळी जेव्हा होते सुटी

बिखरती सारे ऊस

जाती तीच गुऱ्हाळात

निघे गुळासाठी रस !!५!!

 

पक्षी शिकविती आम्हा

सारे जण एक रहा

शिकारी येता जवळ

कशी गंमत ती पहा !!६!!

 

प्रभाते प्यावे गोदुग्ध

देशी गाईचे ते घृत

करा सेवन गोमूत्र

होई मस्तच तब्येत !!७!!

 

दिनांक ५-११-२०

©️®️ श्रीमति उर्मिला उद्धवराव इंगळे

सातारा

≈ ब्लॉग संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित ≈

Please share your Post !

Shares
0 0 votes
Article Rating
Subscribe
Notify of
guest

0 Comments
Oldest
Newest Most Voted
Inline Feedbacks
View all comments