मराठी साहित्य – चित्रकाव्य ☆ प्रेमळ भेट…. ☆ सुश्री जस्मिन रमजान शेख
चित्रकाव्य
☆ 
प्रेमळ भेट…. ☆ सुश्री जस्मिन रमजान शेख ☆
☆
सूर्य चंद्राचा आज
कसा बघा मेळ झाला
राजकारणी महतींचा
जणू खेळ नभी रंगला
☆
का धरणीमाय अलगद
पसरवूनी दोन्ही बाहू
अवखळ पोरांना या
म्हणे बांधुनी पाहू
☆
दोन मित्र जणू काय हे
हितगूज करती लांबून
खूप दिवसांनी भेटलो
सांगी जरा वेळ थांबून
☆
काही का असेना आज
पारणे डोळ्यांचे फिटले
जाणारा अन् येणारा
एकावेळेस आम्हा भेटले
☆
सूर्य चंद्राची ही अनोखी
भेट आम्हा स्मरेल नित्
दोन ध्रुवांची असेल ही
एकमेकांवर प्रेमळ जीत
☆
© सुश्री जस्मिन रमजान शेख
मिरज जि. सांगली
9881584475
≈ संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे ≈