मराठी साहित्य – कवितेचा उत्सव ☆ हे शब्द अंतरीचे # 149 ☆ अभंग…मंगल कारक, श्रीकृष्ण समर्थ.!! ☆ महंत कवी राज शास्त्री ☆

महंत कवी राज शास्त्री

  हे शब्द अंतरीचे # 149  

☆ अभंग…मंगल कारक, श्रीकृष्ण समर्थ !! ☆

☆

मंगल कारक, श्रीकृष्ण समर्थ

सर्वज्ञ सर्वार्थ, शक्तियुक्त.!!

☆

द्वापर युगीच्या, शेवट चरणी

आला मोक्षदानी, महादानी.!!

☆

कंस वधुनिया, धर्माचे स्थापन

स्वतःचे वचन, सिद्धकरी.!!

☆

उद्धव देवाला, चार कळी-केचे

दातृत्व प्रेमाचे, करी कृष्ण.!!

☆

गंध कुब्जीकेचा, चंदन स्वीकार

ऐसा उपहार, स्वीकारीला.!!

☆

अर्जुनास दावी, चतुर्भुज रूप

भव्य ते स्वरूप, चक्रधारी.!!

☆

कवी राज म्हणे, बत्तीस लक्षणी

मूर्त सुलक्षणी, मज दिसो.!!

☆

© कवी म.मुकुंदराज शास्त्री उपाख्य कवी राज शास्त्री

श्री पंचकृष्ण आश्रम चिंचभुवन, वर्धा रोड नागपूर – 440005

मोबाईल ~9405403117, ~8390345500

≈संपादक – श्री हेमन्त बावनकर/सम्पादक मंडळ (मराठी) – सौ.उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ.गौरी गाडेकर≈