श्री रवींद्र सोनावणी
कवितेचा उत्सव
☆ कैफ… ☆ श्री रवींद्र सोनावणी ☆
कैफात रंगताना, पाऊल डगमगावे
तालात चालतांना, बेताल विश्व व्हावे
आरक्त नेत्र होता, स्नेहात विरघळावे
आकाश पुष्प ताजे, हलके खुडून घ्यावे
लाजून चांदण्यांनी, प्याल्यांत चिंब न्हावे
हरवून होष मी ही, प्याला पिवून जावे
प्राजक्त होवूनीया, चौफेर मी फुलावे
बेहोष त्या क्षणाला, जवळी कुणी नसावे
वाऱ्यातल्या स्वरांचे, धुंदीत वेध घ्यावे
हृदयातल्या सलांचे, संगीत गुणगुणावे
© श्री रवींद्र सोनावणी
निवास : G03, भूमिक दर्शन, गणेश मंदिर रोड, उमिया काॅम्पलेक्स, टिटवाळा पूर्व – ४२१६०५
मो. क्र.८८५०४६२९९३
≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈