कवितेचा उत्सव
☆ चिऊ… ☆ सौ. मुग्धा कानिटकर ☆
चिमुकली ती चिऊताई
झेपावते खिडकीपाशी
इकडे तिकडे बघे क्षणभरी
मारून चोच मला खुणवी
थोडे दुर्लक्ष माझे जरी
जवळ मारते उड्या भारी
कामात गर्क मीअसे जरी
हळूच छान चिवचिव करी
येई क्षणात झाडावरूनी
घेत भरारी येई परतूनी
तिला भिती खुप गोंगाटाची
मात्र स्वच्छतेवर अतिप्रिती
पिते उन्हात नळातील पाणी
सुंदर प्रतिबिंब मजेत पाही
दाणे टिपून घेत भर्रदिशी
पकडते नाजूक फांदी
लपतछपत पानोपानी
माझ्या भोवती घाले घिरटी
तिचे येणे असे दिवसाकाठी
आनंदाचा झरा माझ्यासाठी
© सौ. मुग्धा कानिटकर
सांगली
फोन 9403726078
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈