मराठी साहित्य – कवितेचा उत्सव ☆ मैत्री… ☆ सौ. नेहा लिंबकर ☆
सौ. नेहा लिंबकर
अल्प परिचय
Mcom, ADCSSA .
Hindustan Antibiotics Ltd ह्या Government Organisation मध्ये 26 वर्ष वित्त विभागात कार्यरत. आता स्वेच्छानिवृत्ती स्विकारली आहे.
कविता करणे, वाचन करणे, भटकंती करणे आवडते.
संतांच्या कथा – एकादशी कथाकथन ह्या ग्रुप मध्ये संतांच्या कथा कथन. त्यातील संत सोहिरोबानाथ यांची कथा Radio 107.8 FM Puneri Awaj वर प्रसारित झाली आहे.
सध्या Kotak Life Advisor -Financial planner म्हणून कार्यरत .
कवितेचा उत्सव
☆ मैत्री… ☆ सौ. नेहा लिंबकर ☆
मैत्री निखळ निर्झर झरणाऱ्या खळखळीची
मैत्री निर्मळ मंद वार्याच्या सळसळीची
मैत्री सुख आनंद, मनातील बोलण्याच्या तळमळीची
मैत्री नुसता एक शब्द भरपूर मायेच्या सुख जळाची
मैत्री वर्षानुवर्षाची कधी नव्या नवलाईची
कधी भेटीची कधी ना भेटीची तरीही न विसरण्याची
मैत्री जिवाभावाची अन हसर्या रडवेल्या क्षणांची
मैत्री जोडणाऱ्या अखंडित धाग्याची
मैत्री नात्यांची बिन नात्यांच्या बहराची
खऱ्या खोट्या बातांच्या पलीकडील मोजमापाची
क्षणात ईथे अन क्षणात तिथे मनात झुलण्याची
कधीही केव्हाही हाकेला साद घालण्याची
अशीच रहावी साथ कायमची
तुमच्या माझ्या मैत्रीची
© सौ. नेहा लिंबकर
पुणे
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈