मराठी साहित्य – कवितेचा उत्सव ☆ जरा अलगद… ☆ डॉ.सोनिया कस्तुरे ☆

डॉ.सोनिया कस्तुरे

 कवितेचा उत्सव 

☆ जरा अलगद 🪔 डॉ.सोनिया कस्तुरे ☆

जरा अलगद उचला

या विझलेल्या पणत्यांना

काल अंधाऱ्या रात्री ज्यांनी

प्रकाश दिलाय आपल्याला

खूप सोसलं असेल यांनी..

कधी हळूवार तर कधी

सोसाट्याचा वारा..!

 

झेलली असतील अनेक वादळं

अंधारलेला पावसाळा !

 

कोणालातरी वा काहीतरी जाळून

आनंद नाही त्यांनी निर्माण केला

स्वतः जळून, पेटत राहून

उजेड दिलाय आपल्याला

जरा हळूच उचला

या विझलेल्या पणत्यांना..!

© डॉ.सोनिया कस्तुरे

विश्रामबाग, जि. सांगली

भ्रमणध्वनी:- 9326818354

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈